شباب الفيس بوك يطالبون الجنزوري بالترشح للرئاسة؟؟؟

انتوا عارفين ان اليومين دول
اسماء كتير بدأت تظهر وتلمع
عشان مناصب الدوله


قريت خبر جديد بيقول

شباب الفيس بوك يطالبون الجنزوري بالترشح للرئاسة


قبل ما نتكلم
تاريخ الرجل ده مشرف وعنده خبرات
ويعتبر من الناس المحترمه والنزيه


قلت لازم اشوف موضوع شباب الفيس بوك اللى بيأيدوا الجنزورى



لاقيت جروب الجنزورى على الفيس بوك بها 4 الف عضو فقط ؟؟


الجنزورى كان مختفى لمده 11 سنه ؟
لما سئل عن سبب الاختفاء كان اجابته ؟


عندما سئل الجنزوري عن سبب اختفائه طيلة هذه الأعوام، قال إن السبب الحقيقي هو الترحيب والحب الذي كان يلاقيه من الجميع عند ذهابه لأي مكان، وهو ما كان يضع النظام السابق في حرج، بسبب التساؤل عن خروجه من الوزارة رغم كل الحفاوة التي يقابله الجميع بها.

وفي جملة قالها الجنزورى تحمل في طياتها الكثير، أوضح انه يؤمن بأن رئيس الوزراء يجب ألا يستأذن من رئيس الجمهورية عند اتخاذ القرارات، وكذلك الوزير يجب الا يستأذن من رئيس الوزراء، ولكنهما يحاسبان على قرارتهما بعد ذلك. وإنه كان رئيس وزراء حقيقيا وليس مجرد سكرتير للرئيس. وهو ما دفع الكثيرون يجزمون أن هذا هو سبب إقالة الجنزوري لأنه كان رئيس وزراء حقيقيا يرغب في الإصلاح.
(ده كان سبب الاستقاله)

مافيش حد يقدر يغلط فى الرجل المحترم ده

وبخبرته الكبيرة اكيد النظام الجديد هيحتاجه

بس يتم وضعه فى المكان المناسب



انا ليه كام سؤال
وياريت نتناقش فيهم

الجنزورى اختفى 11 عام؟
ليه لما قامت الثورة والنظام الفاسد سقط بدأ يخرج ويظهر ويتكلم عن الظلم والفساد؟

ليه كان ساكت 11 عام على الظلم والفساد والسرقه؟

ليه مكنش بيقدم مستندات وادله ضد الظلمة؟

ليه مكنش بيناضل خلال ال 11 سنه
عشان يثبت الحق ويقضى على الفساد ؟


الرجل ده عنده 78 سنه حاليا هل هنختار رئيس دوله عمره كبير كده ؟

انا كنت بتمنى ان الرئيس يكون سنه متوسط

كمان بتمنى ان الحكومه الجديده متكنش عواجيز عشان تقدر تفهم الشباب
وتقدر تطور من نفسها

ممكن نستفيد من خبرات الجنزورى كمستشار او تحت اى مسمى لحد لما النظام الجديد يقف على رجله

انتوا ايه رأيكوا فى كلامى ؟؟؟

انا هدفى ان احنا نتناقش عشان نكون فاهمين
ولما يجى وقت الانتخابات ننزل كلنا ونشارك لان ده حقى وحقك